Тал сайн өдрийн орой

Ванны өрөөнд лаптоп, Гоодаль, аяга кофе, боро бид хэд сууж байна. Боротойгоо “үнсэлцэх” гээд ТВ-1,2 оос нуугдаж байгаан :р Тэр хоёр өрөөндөө галзуурч өгч байх шиг ээ. Сүндэрьяа, Зүгээр л, Лемонс, Старфиш энэ тэрийг дагаж дуулаад л...”Ягаан гариг дээр цэцэг ургахгүй ээ Ягаан хүмүүс цэцэг тарьж чадахгүйэээ”...Ойлгож байгаа юм болов уу? Хэхэ. Нээрээ энэ хоёр хэзээнээс ийм дуунуудад дуртай болсон юм болоо. Солонгос охидын хамтлагийн чаас улаан фэнүүд байсан даг. Бүжгийг нь сураад л, дагаж дуулж, адилхан хувцаслах гэж үздэг байсан нь хэзээ дууссан юм бол? Ингээд нэг л мэдэхэд том охид болчихсон, би бас хэзээ ийм том болчив гэж гайхаал сууж байна биз. Цаг хугацаа урсахын хэрээр хүмүүс нэг нэгнээсээ бага багаар холддог ч юм шиг. Яг одоо л хийхгүй бол болохгүй хэрнээ тийм ч чухал биш юмны хойноос хөөцөлдсөөр үнэтэй, эрхэм зүйлсээ гээдэг? мартдаг? Мм? “Цаг хугацаа бус бид өөрсдөө урсан одож байна” гэж хэн хэллээ дээ...